10. пуреджа̄тапаччайаниддесаван̣н̣ана̄

10. дасситамева найадассанавасена̄ти йоджана̄. йади дасситамева, касма̄ вуттам̣ ‘‘са̄васесавасена десана̄ ката̄’’ти а̄ха ‘‘сарӯпена адасситатта̄’’ти. ‘‘йам̣ йам̣ дхаммам̣ пуреджа̄там̣ а̄раббха йе йе дхамма̄ уппаджджанти читтачетасика̄ дхамма̄, те те дхамма̄ тесам̣ тесам̣ дхамма̄нам̣ пуреджа̄тапаччайена паччайо’’ти евам̣ сарӯпена па̄л̣ийам̣ адасситатта̄. иддхивидха̄бхин̃н̃а̄йа ча̄ти ча-саддена чутӯпапа̄тан̃а̄н̣ассапи сан̇гахо дат̣т̣хаббо. тассапи хи рӯпадхамма̄рамман̣ака̄ле ат̣т̣ха̄расасу йам̣ кин̃чи а̄рамман̣апуреджа̄там̣ хоти паччуппанна̄рамман̣атта̄. ‘‘чавама̄не упападжджама̄не’’ти хи вуттам̣. диббачаккхудиббасотан̃а̄н̣есу ча ваттаббамева наттхи.

итарассапи абха̄ва̄ти а̄рамман̣апуреджа̄тассапи абха̄ва̄ аггахан̣ам̣ пат̣исандхибха̄виноти йоджана̄. сатипи кассачи пат̣исандхибха̄вино а̄рамман̣апуреджа̄те вибхӯтам̣ пана катва̄ а̄рамман̣акаран̣а̄бха̄вато авиджджама̄насадисанти катва̄ вуттам̣ ‘‘итарассапи абха̄ва̄’’ти. тенева̄ха ‘‘пат̣исандхийа̄ вийа апарибйаттасса а̄рамман̣асса а̄рамман̣аматтабха̄вато’’ти. сантӣран̣абха̄вино мановин̃н̃а̄н̣адха̄туйа̄пи екантенева пуреджа̄тапаччайо рӯпа̄дӣни пан̃ча̄рамман̣а̄нӣти йоджана̄. еттха ча ‘‘манодха̄тӯнан̃ча̄’’тиа̄ди ‘‘тада̄рамман̣абха̄вино’’ти падасса пурато ваттаббо, уппат̣ипа̄т̣ийа̄ ликхитам̣.

пуреджа̄тапаччайаниддесаван̣н̣ана̄ нит̣т̣хита̄.