7. патхавӣкаммавипа̄котикатха̄ван̣н̣ана̄

492. аттаваджджехӣти пхассаваджджехи. на хи со ева тена сампайутто хоти. соти пхассамева пачча̄масати. са̄ваджджанети а̄ваджджанасахите, а̄ваджджанам̣ пуреча̄рикам̣ катва̄ ева паваттанакети аттхо. каммӯпаниссайабхӯтамева̄ти йена каммуна̄ йатха̄вутта̄ пхасса̄дайо ниббаттита̄, тасса каммасса упаниссайабхӯтамева. дуккхасса̄ти а̄йатим̣ уппаджджанакадуккхасса. ‘‘мӯлатан̣ха̄’’ти дассетӣти йоджана̄, татха̄ ‘‘упаниссайабхӯта’’нти еттха̄пи. камма̄йӯханасса ка̄ран̣абхӯта̄ пуримасиддха̄ тан̣ха̄ каммасса упаниссайо, катӯпачите камме бхава̄дӣсу наманавасена паватта̄ хи випа̄касса упаниссайо.

493. ока̄сакатуппаннам̣ акхепетва̄ паринибба̄набха̄во сакасамайавасена чодана̄йа йуджджама̄ната̄.

494. камме сатӣти имина̄ каммасса патхавӣа̄дӣнам̣ паччайата̄маттама̄ха, на джанакаттам̣. тена̄ха ‘‘там̣сам̣ваттаникам̣ на̄ма хотӣ’’ти.

патхавӣкаммавипа̄котикатха̄ван̣н̣ана̄ нит̣т̣хита̄.