5. парибхогамайапун̃н̃акатха̄ван̣н̣ана̄

485. тасса̄ ладдхийа̄ти пан̃чаннам̣ вин̃н̃а̄н̣а̄нам̣ самодха̄нам̣ хотӣти ладдхийа̄. етесанти ваттама̄начиттапарибхогамайапун̃н̃а̄нам̣.

486. айам̣ ва̄до хӣйати парибхогассева абха̄вато. ча̄гачетана̄йа ева пун̃н̃абха̄во, на читтавиппайуттасса. еванти имина̄ пака̄рена, апарибхутте деййадхамме пун̃н̃абха̄вена̄ти аттхо. апарибхутте деййадхамме пун̃н̃абха̄вато ева хи путхуджджанака̄ле диннам̣ араха̄ хутва̄ парибхун̃джанте тампи путхуджджане да̄намева̄ти ниччхитам̣. парава̄дӣпат̣иккхепамукхена сакава̄дам̣ патит̣т̣ха̄пети пат̣хамо аттхавикаппо, дутийо пана уджукамева сакава̄дам̣ патит̣т̣ха̄петӣти айаметесам̣ висесо.

парибхогамайапун̃н̃акатха̄ван̣н̣ана̄ нит̣т̣хита̄.