1. насутта̄харан̣акатха̄ван̣н̣ана̄

280. йадипи па̄л̣ийам̣ ‘‘тайо магге бха̄ветӣ’’ти вуттам̣, маггабха̄вана̄ пана йа̄вадева килесасамуччхинданаттха̄ти н̃атва̄ ‘‘киччасаббха̄ванти тӣхи паха̄таббасса пахӣната’’нти а̄ха. таттха тӣхӣти хет̣т̣химехи тӣхи арийамаггехи паха̄таббасса аджджхаттасам̣йоджанасса пахӣнатам̣ самуччхиндананти аттхо. там̣ пана киччанти адхобха̄гийасам̣йоджанесу маггасса паха̄на̄бхисамайакиччам̣. тенева маггена̄ти ана̄га̄мимаггенева. етам̣ на саметӣти евам̣ маггуппа̄дато пагева ка̄мара̄габйа̄па̄да̄ пахӣйантӣти ладдхикиттанам̣ имина̄ маггасса киччасаббха̄вакатханена на самети на йуджджати. тасма̄ти имина̄ йатха̄вуттамева виродхам̣ пачча̄масати. пахӣна̄нанти виккхамбхита̄нам̣. йо хи джха̄нала̄бхӣ джха̄нена йатха̄виккхамбхите килесе маггена самуччхиндати, со идха̄дхиппето. тена̄ха ‘‘дассанамагге…пе… адхиппа̄йо’’ти.

джахатикатха̄ван̣н̣ана̄ нит̣т̣хита̄.