1. ека̄дхиппа̄йакатха̄ван̣н̣ана̄

908. ека-саддо ан̃н̃аттхопи хоти ‘‘иттхеке абхивадантӣ’’тиа̄дӣсу вийа, ан̃н̃аттан̃четтха ра̄га̄дхиппа̄йато ведитаббам̣, путхуджджанасса пана сачхандара̄гапарибхогабха̄вато а̄ха ‘‘ра̄га̄дхиппа̄йато ан̃н̃а̄дхиппа̄йова̄ти вуттам̣ хотӣ’’ти. ко пана со ан̃н̃а̄дхиппа̄йоти? карун̣а̄дхиппа̄йо. тена вуттам̣ ‘‘карун̣а̄дхиппа̄йена ека̄дхиппа̄йо’’ти. айан̃ча найо иттхийа̄ джӣвитараккхан̣аттхам̣ ка̄рун̃н̃ена маноратхам̣ пӯрентасса бодхисаттасса сам̣варавина̄со на хотӣти евам̣ва̄динам̣ парава̄дим̣ сандха̄йа вутто, пан̣идха̄на̄дхиппа̄йава̄динам̣ пана сандха̄йа ‘‘еко адхиппа̄йоти еттха̄’’тиа̄ди вуттам̣. путтамукхадассана̄дхиппа̄йопи еттхева сан̇гахам̣ гатоти дат̣т̣хаббам̣. екатобха̄вети сахабха̄ве.

ека̄дхиппа̄йакатха̄ван̣н̣ана̄ нит̣т̣хита̄.