9. а̄севанапаччайакатха̄ван̣н̣ана̄

903-905. бӣджам̣ чатумадхурабха̄вам̣ на ган̣ха̄тӣти идам̣ сакасамайавасена вуттам̣, парасамайе пана рӯпадхамма̄пи арӯпадхаммехи сама̄наккхан̣а̄ ева иччхита̄. тенева̄ха ‘‘саббе дхамма̄ кхан̣ика̄’’ти. кхан̣икаттепи ва̄ ачетанесупи аниндрийабаддхарӯпесу бха̄вана̄висесо лаббхати, киман̇гам̣ пана сачетанесӯти дассетум̣ ‘‘йатха̄ бӣджам̣ чатумадхурабха̄вам̣ на ган̣ха̄тӣ’’ти нидассананти дат̣т̣хаббам̣. а̄севенто на̄ма кочи дхаммо наттхи иттарата̄йа анават̣т̣ха̄натоти адхиппа̄йо. иттаракхан̣ата̄йа ева пана а̄севанам̣ лаббхати. кусала̄дибха̄вена хи аттасадисасса пайогена каран̣ӣйасса пунаппунам̣ каран̣аппаваттанам̣ аттасадисата̄па̄данам̣ ва̄санам̣ ва̄ а̄севанам̣ пуре паричитагантхо вийа паччхимасса̄ти.

а̄севанапаччайакатха̄ван̣н̣ана̄ нит̣т̣хита̄.