6. н̃а̄н̣акатха̄ван̣н̣ана̄

876-877. ‘‘два̄дасаваттхукам̣ н̃а̄н̣ам̣ локуттара’’нти еттха два̄дасаваттхукасса н̃а̄н̣асса локуттарата̄ патит̣т̣ха̄пӣйатӣти дассенто пат̣хамавикаппам̣ ватва̄ пуна локуттаран̃а̄н̣асса два̄дасаваттхуката̄ патит̣т̣ха̄пӣйатӣти дассетум̣ ‘‘там̣ ва̄…пе… аттхо’’ти а̄ха. парин̃н̃еййанти еттха ити-саддо а̄диаттхо, пака̄раттхо ва̄. тена ‘‘паха̄табба’’нти евама̄дим̣ сан̇ган̣ха̄ти. парин̃н̃а̄танти еттха̄пи есева найо. ‘‘парин̃н̃еййам̣ парин̃н̃а̄та’’нтиа̄дина̄ париджа̄нана̄дикирийа̄йа ниббаттетаббата̄ ниббаттитата̄ ча дассита̄, на ниббаттийама̄ната̄ти. йена пана са̄ хоти, там̣ дассетум̣ ‘‘саччан̃а̄н̣ам̣ пана̄’’тиа̄ди вуттам̣. таттха саччан̃а̄н̣анти дуккха̄дисаччасабха̄ва̄вабодхакам̣ н̃а̄н̣ам̣, йам̣ сандха̄йа ‘‘идам̣ дуккха’’нтиа̄ди вуттам̣. маггаккхан̣епӣти апи-саддена тато пубба̄парабха̄гепӣти дат̣т̣хаббам̣. париджа̄нана̄дикиччаса̄дханавасена хоти асаммохато висайато ча̄ти адхиппа̄йо.

н̃а̄н̣акатха̄ван̣н̣ана̄ нит̣т̣хита̄.

вӣсатимаваггаван̣н̣ана̄ нит̣т̣хита̄.

чатуттхо пан̣н̣а̄сако саматто.