5. татхата̄катха̄ван̣н̣ана̄

841-843. рӯпа̄дӣнам̣ сабха̄вата̄ти етена рӯпа̄дайо ева сабха̄вата̄ти имаматтхам̣ пат̣иккхипати. йато там̣ парава̄дӣ рӯпа̄дӣсу апарийа̄паннам̣ иччхати. тена̄ха ‘‘бха̄вам̣ хеса татхата̄ти вадати, на бха̄вайога’’нти. таттха бха̄ванти дхаммаматтам̣, пакатӣти аттхо ‘‘джа̄тидхамма’’нтиа̄дӣсу вийа. рӯпа̄дӣнан̃хи руппана̄дипакати татха̄ асан̇кхата̄ти ча парава̄дино ладдхи. тена вуттам̣ ‘‘на бха̄вайога’’нти. йена хи бха̄во сабха̄вадхаммо йуджджати, екӣбха̄вамева гаччхати, там̣ руппана̄дилаккхан̣ам̣ бха̄вайого. там̣ пана рӯпа̄дито анан̃н̃ам̣, тато ева сан̇кхатам̣, авипарӣтат̣т̣хена пана ‘‘татха’’нти вуччати.

татхата̄катха̄ван̣н̣ана̄ нит̣т̣хита̄.