13. пурисака̄ра̄нуйогаван̣н̣ана̄

123. камма̄нанти кусала̄кусалакамма̄нам̣. таггахан̣енева хи там̣там̣киччакаран̣ӣйе кирийа̄нампи сан̇гахо дат̣т̣хаббо. ниппха̄дакаппайоджакабха̄вена̄ти ка̄ракака̄ра̄пакабха̄вена.

125. каммака̄ракасса пуггаласса йо ан̃н̃о пуггало ка̄рако. тенапӣти ка̄ракака̄ракенапи. тасса̄ти ка̄ракака̄ракасса. ан̃н̃анти ан̃н̃ам̣ каммам̣. еванти имина̄ вуттаппака̄рена. техи техи ка̄ракехи пуггала̄ вийа ан̃н̃а̄ни камма̄ни карӣйантӣти дассети. тена̄ха ‘‘каммават̣т̣асса анупаччхедам̣ вадантӣ’’ти. евам̣ санте пуггаласса ка̄рако, каммасса ка̄ракоти айам̣ вибха̄го идха ана̄мат̣т̣хо хоти, татха̄ ча сати ка̄ракапарампара̄йа вачанам̣ вируджджхеййа̄ти а̄ха ‘‘пуггаласса…пе… вича̄ретаббамета’’нти. тасса ка̄раканти пуггаласса ка̄ракам̣. идан̃ча̄ти на кевалам̣ пуггалака̄ракасса каммака̄раката̄паттийева досо, атха кхо идам̣ каммака̄раката̄йа ка̄ракапарампара̄паджджанампи вича̄ретаббам̣, на йуджджатӣти аттхо. пуггала̄нан̃хи пат̣ипа̄т̣ийа̄ ка̄ракабха̄во ка̄ракапарампара̄.

170. еко антоти ‘‘га̄хо’’ти сассатага̄хасан̇кха̄то антоти аттхо.

176. сийа̄ ан̃н̃о, сийа̄ анан̃н̃о, сийа̄ на ваттаббо ‘‘ан̃н̃оти ва̄ анан̃н̃оти ва̄’’ти, евам̣ паваттаниган̣т̣хава̄дасадисатта̄ со ева еко нева со хоти, на ан̃н̃оти ладдхиматтам̣. тена̄ха ‘‘идам̣ пана наттхева̄’’ти. парасса иччха̄васенева̄ти парава̄дино ладдхивасенева. екам̣ аниччхантасса̄ти екам̣ ‘‘со кароти, со пат̣исам̣ведетӣ’’ти гахан̣ам̣ сассатадит̣т̣хибхайена пат̣иккхипантасса итарам̣ уччхедаггахан̣ам̣ а̄паннам̣. тан̃ча пат̣иккхипантасса ан̃н̃ам̣ миссакам̣ ничча̄ниччаггахан̣ам̣, виккхепаггахан̣ан̃ча а̄паннам̣. ка̄ракаведакиччха̄йа т̣хатва̄ти свева ка̄рако ведако ча̄ти имасмим̣ а̄да̄йе т̣хатва̄. там̣там̣аниччха̄йа̄ти тасса тасса ва̄дасса асампат̣иччханена. а̄паннавасенапӣти а̄паннага̄хавасенапи айам̣ ануйого вуттоти йоджана̄. саббесам̣ а̄паннатта̄ти хет̣т̣ха̄ вуттанайена саббесам̣ викаппа̄нам̣ ануккамена а̄паннатта̄ на̄йамануйого катоти йоджана̄. екекассева̄ти тесу висум̣ висум̣ екекассева а̄паннатта̄. тантивасена пана те викаппа̄ екаджджхам̣ дассетва̄ти адхиппа̄йо. екато йоджетаббам̣ чатуннампи пан̃ха̄нам̣ екато пут̣т̣хатта̄.

пурисака̄ра̄нуйогаван̣н̣ана̄ нит̣т̣хита̄.

калйа̄н̣авагго нит̣т̣хито.