9. вачанасодханаван̣н̣ана̄

55-59. пададвайасса аттхато екаттети пададвайасса екаттаттхе сатӣти аттхо. парикаппавачанан̃хетам̣ досадассанаттхам̣ ‘‘евам̣ санте айам̣ досо’’ти. тайидам̣ екаттам̣ упалаббхати ева̄ти паччхимапада̄вадха̄ран̣ам̣ ведитаббам̣. ‘‘кехичи пуггало кехичи на пуггало’’ти бйабхича̄радассанато парена на сампат̣иччхитанти катва̄ тамева асампат̣иччхитаттам̣ вибха̄венто ‘‘пуггаласса хӣ’’тиа̄дима̄ха. таттха авибхаджитаббатанти ‘‘упалаббхати ча̄’’ти евам̣ авибхаджитаббатам̣. вибхаджитаббатанти ‘‘пуггало ча тадан̃н̃ан̃ча упалаббхатӣ’’ти евам̣ вибхаджитаббатам̣. етена ‘‘пуггало упалаббхати ева̄’’ти паччхимапада̄вадха̄ран̣ам̣ ведитаббам̣, на ‘‘пуггало ева упалаббхатӣ’’ти имаматтхам̣ дассети. там̣ вибха̄ганти йатха̄вуттам̣ вибхаджитабба̄вибхаджитаббам̣ вибха̄гам̣ вадато сакава̄дино, ан̃н̃асса ва̄ кассачи. етасса̄ти парава̄дино. йатха̄вуттавибха̄ганти ‘‘пуггало упалаббхати…пе… кехичи на пуггало’’ти евам̣ па̄л̣ийам̣ вуттаппака̄рам̣ вибха̄гам̣. йатха̄а̄па̄дитена̄ти ‘‘пуггало упалаббхатӣти пададвайасса аттхато екатте’’тиа̄дина̄ а̄па̄дитаппака̄рена. на бхавитаббанти йадипи тена пуггало упалаббхати ева вуччати, упалаббхатӣти пана пуггало ева на вуччати, атха кхо ан̃н̃опи, тасма̄ йатха̄вуттена пасан̇гена на бхавитаббам̣. тена̄ха ‘‘маггитаббо еттха адхиппа̄йо’’ти.

60. аттхато пуггало наттхӣти вуттам̣ хоти аттасун̃н̃ата̄дассанена анатталаккхан̣асса вихитатта̄.

вачанасодханаван̣н̣ана̄ нит̣т̣хита̄.