6. опаммасам̣санданаван̣н̣ана̄

28-36. упаладдхиса̄ман̃н̃ена ан̃н̃аттапуччха̄ ча̄ти имина̄ двайампи уддхарати упаладдхиса̄ман̃н̃ена ан̃н̃аттапуччха̄, упаладдхиса̄ман̃н̃ена пуччха̄ ча̄ти. таттха паччхимам̣ сандха̄йа̄ха ‘‘двиннам̣ сама̄ната̄’’тиа̄ди. тассаттхо – двиннам̣ рӯпаведана̄нам̣ вийа рӯпапуггала̄нам̣ саччикат̣т̣хена сама̄ната̄ тесам̣ ан̃н̃аттасса ка̄ран̣ам̣ йуттам̣ на хоти. атха кхо…пе… упалаббханӣйата̄ти идан̃ча сам̣санданам̣ вича̄ретаббам̣. айам̣ хеттха адхиппа̄йо – йади саччикат̣т̣хаса̄ман̃н̃ена рӯпапуггала̄нам̣ упаладдхиса̄ман̃н̃ам̣ иччхитам̣, тенева несам̣ ан̃н̃аттампи иччхитаббам̣. атха параматтхавоха̄рабхедато тесам̣ ан̃н̃аттам̣ на иччхитам̣, тато ева упаладдхиса̄ман̃н̃ампи на иччхитаббанти.

37-45. упаладдхӣти пуггаласса упаладдхи виджджама̄ната̄. ‘‘пат̣икаммапан̃чака’’нти вин̃н̃а̄йатӣти йоджана̄.

опаммасам̣санданаван̣н̣ана̄ нит̣т̣хита̄.