3. тиканиддесаван̣н̣ана̄

91. сесасам̣варабхедена̄ти ка̄йикава̄часикавӣтиккамато сесена сам̣варавина̄сена. со пана два̄равасена вуччама̄но манодва̄рико хотӣти а̄ха ‘‘маносам̣варабхедена̄’’ти. ида̄ни там̣ пака̄рабхедена дассенто ‘‘сатисам̣вара̄дибхедена ва̄’’ти а̄ха, мут̣т̣хасачча̄диппаваттийа̄ти аттхо. йам̣ кин̃чи сабха̄вабхӯтам̣ чаритампи ‘‘сӣла’’нти вуччатӣти акусалассапи сӣлапарийа̄йо вутто.

94. сама̄нависайа̄нанти пат̣хамапхала̄дико сама̄но еварӯпо висайо етесанти сама̄нависайа̄, тесам̣.

107. тадаттхо таппайоджано локуттараса̄дхакоти аттхо. тасса параматтхаса̄санасса. мӯлекадесатта̄ти мӯлабха̄вена екадесатта̄.

118. уннал̣о уггататуччхама̄но.

123. сӣласса анугган̣ханам̣ апарисуддхийам̣ содханам̣ апа̄рипӯрийам̣ пӯран̣ан̃ча̄ти а̄ха ‘‘содхетаббе ча вад̣д̣хетаббе ча̄’’ти. адхисӣлам̣ нисса̄йа̄ти адхисӣлам̣ ниссайам̣ катва̄ уппаннапан̃н̃а̄йа.

124. гӯтхасадисаттамева дассети, на гӯтхакӯпасадисаттанти адхиппа̄йо. гӯтхавасенева хи кӯпассапи джигуччханӣйата̄ти. айан̃ча аттхо гӯтхара̄сийева гӯтхакӯпоти имасмим̣ паккхе наваттаббо сийа̄.

130. сарабхан̇гасаттха̄ра̄дайо рӯпабхава̄дика̄ма̄дипарин̃н̃ам̣ катва̄ пан̃н̃апенто локийам̣ парин̃н̃ам̣ саммадева пан̃н̃апентӣти а̄ха ‘‘йебхуййена на сакконтӣ’’ти. асаматтхабха̄вам̣ ва̄ сандха̄йа но ча пан̃н̃а̄петум̣ сакконтӣти вуттанти йоджана̄.

тиканиддесаван̣н̣ана̄ нит̣т̣хита̄.