10. дасаманайо виппайуттенавиппайуттападаван̣н̣ана̄

353. йе виппайуттена виппайуттабха̄вена па̄л̣ийам̣ аггахита̄, тесу кечи виппайуттасса дхаммантарасса абха̄вато кечи кхандха̄дӣхи виппайогассева асамбхаватоти имаматтхам̣ дассенто ‘‘дхамма̄йатана̄дидхамма̄’’тиа̄дима̄ха. таттха саббачиттуппа̄дагатадхаммабха̄ватоти имина̄ бхиннака̄лата̄дивисесавато арӯпаккхандхасса виппайуттасса дхаммантарасса абха̄вама̄ха, ана̄рамман̣амиссакабха̄ватоти имина̄ пана саббассапи. ка̄мабхаво упапаттибхаво сан̃н̃ӣбхаво пан̃чавока̄рабхавоти име чатта̄ро маха̄бхава̄. виппайога̄бха̄ватоти виппайога̄самбхавато. на хи йе дуккхасачча̄дӣхи виппайутта̄, техи виппайутта̄нам̣ тесам̣йева дуккхасачча̄дӣнам̣ кхандха̄дӣсу кеначи виппайого самбхавати.

дасаманайавиппайуттенавиппайуттападаван̣н̣ана̄ нит̣т̣хита̄.