2. андхака̄раваггаван̣н̣ана̄

841. андхака̄раваггасса пат̣хаме да̄не ва̄ пӯджа̄йа ва̄ти да̄нанимиттам̣ ва̄ пӯджа̄нимиттам̣ ва̄. мантетӣти катхети. раттандхака̄рата̄, пурисасса хаттхапа̄се т̣ха̄нам̣ ва̄ саллапанам̣ ва̄, саха̄йа̄бха̄во, рахопеккхата̄ти има̄ни панеттха чатта̄ри ан̇га̄ни.

842-846. дутийататийачатуттха̄ни утта̄наттха̄нева.

856-857. пан̃чаме ановассакам̣ атикка̄ментийа̄ти чханнасса анто нисӣдитва̄ паккамантим̣ сандха̄йа вуттам̣. ‘‘упача̄ро два̄дасахаттхо’’ти ваданти. паллан̇касса анока̄сети ӯрубаддха̄санасса анока̄се аппахонте. пуребхаттата̄, антарагхаре нисаджджа̄, а̄санасса паллан̇кока̄сата̄, ан̃н̃атра анун̃н̃а̄така̄ран̣а̄ ана̄пуччханам̣, вуттапариччхеда̄тиккамоти има̄ни панеттха пан̃ча ан̇га̄ни.

859-864. чхат̣т̣хасаттама̄дӣни утта̄наттха̄нева.

андхака̄раваггаван̣н̣ана̄ нит̣т̣хита̄.