2. дутийапа̄ра̄джикасиккха̄падаван̣н̣ана̄

666. дутийе ‘‘кисса пана твам̣ аййе джа̄нам̣ па̄ра̄джикам̣ дхаммам̣ аджджха̄панна’’нти вачанато ‘‘уддит̣т̣ха̄ кхо аййа̄йо ат̣т̣ха па̄ра̄джика̄ дхамма̄’’тиа̄дивачанато ча бхиккхунӣвибхан̇гам̣ патва̄ са̄дха̄ран̣а̄ни сиккха̄пада̄ни бхиккхӯнам̣ уппаннаваттхусмим̣йева ‘‘йа̄ пана бхиккхунӣ чхандасо метхунам̣ дхаммам̣ пат̣исевеййа, антамасо тираччха̄нагатенапи, па̄ра̄джика̄ хоти асам̣ва̄са̄’’тиа̄дина̄ найена сависесампи ависесампи ма̄тикам̣ т̣хапетва̄ ануккамена падабха̄джанам̣ а̄паттибхедам̣ тикаччхедам̣ ана̄паттива̄ран̃ча анавасесам̣ ватва̄ виттха̄реси. сан̇гӣтика̄ракехи пана аса̄дха̄ран̣апан̃н̃аттийойева идха виттха̄рита̄ти ведитабба̄.

атха упаримесу двӣсу апан̃н̃аттесу ат̣т̣ханнам̣ па̄ра̄джика̄нам̣ ан̃н̃атаранти идам̣ вачанам̣ на йуджджатӣти а̄ха ‘‘идан̃ча па̄ра̄джикам̣ паччха̄ пан̃н̃атта’’нтиа̄ди. йади евам̣ имасмим̣ ока̄се касма̄ т̣хапитанти а̄ха ‘‘пуримена пана саддхим̣ йугал̣атта̄’’тиа̄ди, пуримена саддхим̣ екасамбандхабха̄вато идха вуттанти адхиппа̄йо. ‘‘ат̣т̣ханнам̣ па̄ра̄джика̄нам̣ ан̃н̃атара’’нти вачанато ча ваджджапат̣иччха̄дикам̣ йа̄ пат̣иччха̄дети, са̄пи ваджджапат̣иччха̄дика̄йева̄ти дат̣т̣хаббам̣. кин̃ча̄пи ваджджапат̣иччха̄данам̣ пемавасена хоти, татха̄пи сиккха̄падавӣтиккамачиттам̣ доманасситамева хотӣти катва̄ ‘‘дуккхаведана’’нти вуттам̣. сесаметтха утта̄намева.

дутийапа̄ра̄джикасиккха̄падаван̣н̣ана̄ нит̣т̣хита̄.

668. татийам̣ утта̄наттхамева.