адхикаран̣абхедаван̣н̣ана̄

340. йасма̄ адхикаран̣ам̣ уккот̣енто саматхаппаттамева уккот̣ети, тасма̄ ‘‘вива̄да̄дхикаран̣ам̣ уккот̣енто кати саматхе уккот̣етӣ’’тиа̄ди вуттам̣.

341. па̄л̣имуттакавиниччхайенева̄ти винайалаккхан̣ам̣ вина̄ кевалам̣ дхаммадесана̄маттавасенева̄ти аттхо. йена̄пи виниччхайена̄ти па̄л̣имуттакавиниччхайамева сандха̄йа вуттам̣. кхандхакато ча парива̄рато ча суттена̄ти кхандхакапарива̄рато а̄нӣтасуттена. ниджджха̄пентӣти пан̃н̃а̄пенти.

342. киччам̣ нисса̄йа уппаджджанакакичча̄нанти пуббе катауккхепанӣйа̄дикиччам̣ нисса̄йа уппаджджанакакичча̄нам̣. кӣдиса̄нам̣? йа̄вататийасаманубха̄сана̄дӣнам̣.

343. там̣ хӣти там̣ вива̄да̄дхикаран̣ам̣.

344. адхикаран̣есу йена адхикаран̣ена самманти, там̣ дассетум̣ вуттанти йада̄ адхикаран̣ехи самманти, тада̄ кичча̄дхикаран̣енева самманти, на ан̃н̃ехи адхикаран̣ехӣти дассанаттхам̣ вуттанти адхиппа̄йо.

353. ‘‘саттаннам̣ саматха̄нам̣ катаме чхаттим̣са самут̣т̣ха̄на̄’’ти пуччхитва̄пи ‘‘каммасса кирийа̄ каран̣а’’нтиа̄дина̄ саммукха̄винайасса самут̣т̣ха̄на̄ни авибхаджитва̄ва сативинайа̄дӣнам̣ чханнан̃н̃ева чха самут̣т̣ха̄на̄ни вибхатта̄ни, там̣ касма̄ти а̄ха ‘‘кин̃ча̄пи саттаннам̣ саматха̄на’’нтиа̄ди. сативинайа̄дӣнам̣ вийа сан̇гхасаммукхата̄дӣнам̣ киччайата̄ на̄ма наттхӣти а̄ха ‘‘каммасан̇гаха̄бха̄вена̄’’ти.