упосатха̄дипуччха̄виссаджджана̄ван̣н̣ана̄

332. ‘‘сан̇гхам̣, бханте, пава̄ремӣтиа̄ди пава̄ран̣а̄катха̄ на̄ма̄’’ти ган̣т̣хипадесу вуттам̣.

аттхавасапакаран̣аван̣н̣ана̄

334. пат̣хамапа̄ра̄джикаван̣н̣ана̄йамева вуттанти ‘‘сан̇гхасут̣т̣хута̄йа̄’’тиа̄дӣнам̣ аттхаван̣н̣анам̣ сандха̄йа вуттам̣. дасаккхаттум̣ йоджана̄йа падасатам̣ вуттанти екамӯлаканайе дасаккхаттум̣ йоджана̄йа ката̄йа сан̇кхаликанайе вуттападехи саддхим̣ падасатам̣ вуттанти еваматтхо гахетаббо. ан̃н̃атха̄ екамӯлаке ева найе на сакка̄ падасатам̣ ладдхум̣. екамӯлаканайехи пуримапаччхимапада̄ни екато катва̄ екекасмим̣ ва̄ре нава нава пада̄ни вутта̄нӣти дасаккхаттум̣ йоджана̄йа навути пада̄нийева лаббханти. тасма̄ та̄ни навути пада̄ни сан̇кхаликанайе баддхачаккавасена йоджите даса пада̄ни лаббхантӣти техи саддхим̣ падасатанти сакка̄ ваттум̣. ито ан̃н̃атха̄ пана убхосупи найесу висум̣ висум̣ аттхасатам̣ дхаммасатан̃ча йатха̄ лаббхати, татха̄ пат̣хамапа̄ра̄джикасам̣ван̣н̣ана̄йамева амхехи дасситам̣, там̣ таттха вуттанайенева гахетаббам̣. пуримапаччхимапада̄ни екаттена гахетва̄ ‘‘падасата’’нти вуттатта̄ ‘‘таттха паччхимасса паччхимасса падасса васена аттхасатам̣, пуримасса пуримасса васена дхаммасата’’нти вуттам̣. тасмим̣ падасате ‘‘сан̇гхасут̣т̣хӯ’’тиа̄дина̄ вуттапуримапада̄нам̣ васена дхаммасатам̣, ‘‘сан̇гхапха̄сӯ’’тиа̄дина̄ вуттапаччхимапада̄нам̣ васена аттхасатанти адхиппа̄йо.

маха̄ваггаван̣н̣ана̄ нит̣т̣хита̄.