6. джотисиккха̄падаван̣н̣ана̄

350. чхат̣т̣хе бхагга̄ на̄ма джанападино ра̄джакума̄ра̄, тесам̣ нива̄со екопи джанападо рул̣хӣсаддена ‘‘бхагга̄’’ти вуччати. тена вуттам̣ ‘‘бхагга̄ти джанападасса на̄ма’’нти. сусума̄рагирети евам̣на̄маке нагаре. тасса кира нагарасса ма̄панаттхам̣ ваттхувиджджа̄чарийена нагарат̣т̣ха̄насса паригган̣ханадивасе авидӯре сусума̄ро саддамака̄си гирам̣ ниччха̄реси. атха анантара̄йена нагаре ма̄пите тамева сусума̄рагиран̣ам̣ субханимиттам̣ катва̄ сусума̄рагирам̣твевасса на̄мам̣ акам̣су. кечи пана ‘‘сусума̄расан̣т̣ха̄натта̄ сусума̄ро на̄ма еко гири, со тасса нагарасса самӣпе, тасма̄ там̣ сусума̄рагири етасса аттхӣти ‘сусума̄рагирӣ’ти вуччатӣ’’ти ваданти. татха̄ ва̄ хоту ан̃н̃атха̄ ва̄, на̄маметам̣ тасса нагарасса̄ти а̄ха ‘‘сусума̄рагиранти нагарасса на̄ма’’нти. бхесакал̣а̄ти гхампан̣д̣ана̄мако гаччхависесо. кечи ‘‘сетаруккхо’’типи ваданти. тесам̣ бахулата̄йа пана там̣ ванам̣ бхесакал̣а̄ванантвева пан̃н̃а̄йиттха. ‘‘бхесагал̣а̄ване’’типи па̄т̣хо. ‘‘бхесо на̄ма еко йаккхо айуттака̄рӣ, тасса тато гал̣итат̣т̣ха̄ната̄йа там̣ ванам̣ бхесагал̣а̄ванам̣ на̄ма джа̄та’’нти хи кечи.

352. джотикаран̣ети аггикаран̣е. сесаметтха утта̄намева. агила̄ната̄, анун̃н̃а̄такаран̣а̄бха̄во, висиббетука̄мата̄, сама̄дахананти има̄ни панеттха чатта̄ри ан̇га̄ни.

джотисиккха̄падаван̣н̣ана̄ нит̣т̣хита̄.