7. маха̄на̄масиккха̄падаван̣н̣ана̄

303. саттаме маха̄на̄мо на̄ма̄ти ануруддхаттхерасса бха̄та̄ бхагавато чӯл̣апиту путто. суддходано саккодано суккодано дхотодано амитоданоти име хи пан̃ча джана̄ бха̄таро. амита̄ на̄ма девӣ тесам̣ бхагинӣ, тиссаттхеро тасса̄ путто. татха̄гато ча нандаттхеро ча суддходанасса путта̄, маха̄на̄мо ча ануруддхаттхеро ча суккоданасса, а̄нандаттхеро амитоданасса. со бхагавато канит̣т̣хо, маха̄на̄мо махаллакатаро сакада̄га̄мӣ арийаса̄вако. тена вуттам̣ ‘‘маха̄на̄мо на̄ма…пе… арийаса̄вако’’ти.

305-306. па̄л̣ийам̣ аджджан̣хоти аджджа екадивасанти аттхо, ‘‘аджджано’’ти ва̄ аттхо гахетаббо, но амха̄кам̣. ка̄лам̣ а̄хариссатха̄ти све хариссатха. тато че уттари са̄дийеййа̄ти саче таттха раттӣхи ва̄ бхесаджджехи ва̄ париччхедо като хоти ‘‘еттака̄йева ва̄ раттийо еттака̄ни ва̄ бхесаджджа̄ни вин̃н̃а̄петабба̄нӣ’’ти, тато раттипарийантато ва̄ бхесаджджапарийантато ва̄ уттари вин̃н̃а̄пенто са̄дийеййа. ‘‘имехи тайа̄ бхесаджджехи пава̄ритамха, амха̄кан̃ча имина̄ва бхесаджджена аттхо’’ти а̄чиккхитва̄ вин̃н̃а̄петумпи гила̄нова лабхати.

310. йасма̄ сан̇гхапава̄ран̣а̄йамева̄йам̣ видхи, тасма̄ ‘‘йе аттано пуггалика̄йа пава̄ран̣а̄йа пава̄рита̄’’ти вуттам̣. сесам̣ утта̄намева. сан̇гхапава̄ран̣ата̄, бхесаджджавин̃н̃атти, агила̄ната̄, парийанта̄тиккамоти има̄ни панеттха чатта̄ри ан̇га̄ни.

маха̄на̄масиккха̄падаван̣н̣ана̄ нит̣т̣хита̄.