1. ачелакасиккха̄падаван̣н̣ана̄

273. ачелакаваггасса пат̣хамасиккха̄паде тесанти титтхийа̄нам̣. таттха̄ти бха̄джане. итоти паттато. саче титтхийо вадатӣти ‘‘пат̣хамамева мам̣ сандха̄йа абхихаритва̄ т̣хапитам̣ майхам̣ сантакам̣ хоти, имасмим̣ бха̄джане а̄киратха̄’’ти вадати, ват̣т̣ати. сесаметтха утта̄намева. ан̃н̃атиттхийата̄, аджджхохаран̣ӣйата̄, аджджхохаран̣аттха̄йа сахаттха̄ аниккхиттабха̄джане да̄нанти има̄ни панеттха тӣн̣и ан̇га̄ни.

ачелакасиккха̄падаван̣н̣ана̄ нит̣т̣хита̄.