2. дутийасан̇гха̄дисесасиккха̄падаван̣н̣ана̄

683. па̄л̣ийам̣ дутийе маллаган̣абхат̣ипуттаган̣а̄дикантиа̄дӣсу маллара̄джӯнам̣ ган̣о маллаган̣о. бхат̣ипутта̄ на̄ма кечи ган̣ара̄джа̄но, тесам̣ ган̣о. кечи пана ‘‘на̄ра̄йанабхаттико пун̃н̃ака̄раган̣о маллаган̣о. татха̄ кума̄рабхаттико ча ган̣о бхат̣ипуттаган̣о’’типи (са̄раттха. т̣ӣ. сам̣гха̄дисесакан̣д̣а 3.683) ваданти. дхаммаган̣оти са̄сане, локе ва̄ анекаппака̄рапун̃н̃ака̄рако ган̣о. гандхавикатика̄рако ган̣о гандхикасен̣ӣ. песака̄ра̄диган̣о дуссикасен̣ӣ. каппагатиканти каппийабха̄вагатам̣, паббаджитапуббанти аттхо.

685. па̄л̣ийам̣ вут̣т̣ха̄петӣти упасампа̄дети. акаппагатампи пабба̄джентийа̄ дуккат̣анти ваданти. кхӣн̣а̄сава̄йапи а̄паджджитаббато ‘‘тичитта’’нти вуттам̣. чорита̄, там̣ н̃атва̄ ананун̃н̃а̄така̄ран̣а̄ вут̣т̣ха̄пананти две ан̇га̄ни.

дутийасан̇гха̄дисесасиккха̄падаван̣н̣ана̄ нит̣т̣хита̄.