3. сӣлат̣т̣хитивагго

1-2. сӣласутта̄диван̣н̣ана̄

387-388. сӣла̄нӣти бахувачанам̣ анекавидхатта̄ сӣласса. тан̃хи сӣланат̣т̣хена екавидхампи ча̄ритта̄дивасена анекавидхам̣. тена̄ха – ‘‘чатупа̄рисуддхисӣла̄нӣ’’ти. пан̃хамагготи н̃а̄тум̣ иччхитасса аттхасса вӣмам̣санам̣. тена̄ха – ‘‘пан̃хагавесана’’нти.

3-5. париха̄насутта̄диван̣н̣ана̄

389-391. пуггалавасена париха̄нам̣ хоти на дхаммавасена. йо на бха̄вети, тассева париха̄йати. тена̄ха ‘‘йо хӣ’’тиа̄ди.

6. падесасуттаван̣н̣ана̄

392. падесато бха̄витатта̄ти екадесато бха̄витатта̄ бха̄вана̄па̄рипӯрийа̄ анануппаттатта̄. тена̄ха – ‘‘чатта̄ро хи магге’’тиа̄ди.

7. саматтасуттаван̣н̣ана̄

393. саматта̄ бха̄витатта̄ти парийатта̄ бха̄витатта̄.

8-10. локасутта̄диван̣н̣ана̄

394-396. маха̄висайатта̄ махатийо абхин̃н̃а̄ етасса̄ти маха̄бхин̃н̃о, тасса бха̄воти саббам̣ ваттаббам̣. ‘‘сататавиха̄равасена вутта’’нти ватва̄ таматтхам̣ па̄кат̣ам̣ ка̄тум̣ ‘‘тхеро кира̄’’тиа̄ди вуттам̣. тасса̄ти тхерасса. а̄ваджджанасса гатинти ека̄ваджджанассева гаманавӣтхим̣. анубандхати чаккава̄л̣а̄нам̣ сахассам̣ ека̄ваджджаненева сахассалокадха̄туйа̄ иччхитаматтхам̣ джа̄нитум̣ саматтхоти дассети.

сӣлат̣т̣хитиваггаван̣н̣ана̄ нит̣т̣хита̄.