1-2. иччха̄нан̇галасутта̄диван̣н̣ана̄

987-988. касма̄тиа̄ди виха̄расама̄паттиа̄чиккхан̣е ка̄ран̣ам̣ вибха̄ветум̣ а̄раддхам̣.

ева-ва̄ка̄роти ева-ка̄ро ва̄-ка̄ро ча. екантасантатта̄ екантена сантаманасика̄рабха̄вато. секкхавачаненева тесам̣ сиккхитаббасса аттхибха̄ве сиддхепи сиккхитаббарахитесу тесупи секкхапарийа̄йасса вуччама̄натта̄ сиккхитаббасаддена секкхе висесетва̄ вутта̄. а̄саваккхайаттхам̣ сиккхитаббасса абха̄вепи дит̣т̣хадхаммасукхавиха̄раттхам̣ джха̄на̄дисиккханена вина̄ сиккхитабба̄бха̄ва̄ ‘‘асеккха̄ на̄ма̄’’ти вутта̄. буддха̄нам̣ пана саббасо саммадева паринит̣т̣хитасиккхатта̄ ‘‘сиккха̄мӣ’’ти на вуттам̣. а̄на̄па̄наджджха̄напхаласама̄патти татха̄гатавиха̄ро.