9. балакаран̣ӣйавагго

1. баласуттаван̣н̣ана̄

149. камма̄нийева камманта̄ йатха̄ суттанта̄. арийам̣ ат̣т̣хан̇гикам̣ магганти еттха на̄нантарийаката̄йа випассана̄пи гахита̄ ева хотӣти вуттам̣ ‘‘сахавипассана’’нти.

2. бӣджасуттаван̣н̣ана̄

150. пан̃чавидхампи самӯхат̣т̣хена бӣджага̄мо на̄ма. тадева̄ти мӯлабӣджа̄ди ева. сампаннанти сахаджа̄тамӯлавантам̣. нӣлабха̄вато пат̣т̣ха̄йа̄ти нӣлабха̄ва̄паттито пат̣т̣ха̄йа.

3. на̄гасуттаван̣н̣ана̄

151. балам̣ га̄хентӣти аттано сарӣрабалам̣ га̄хенти. там̣ пана на̄га̄нам̣ балаппатти ева̄ти а̄ха – ‘‘балам̣ ган̣хантӣ’’ти. самбхеджджамукхадва̄ранти маха̄самуддена самбхедагатамаха̄надӣнам̣ мукхадва̄рам̣. на̄га̄ ка̄йам̣ вад̣д̣хентӣтиа̄ди йасма̄ ча бхагавата̄ упама̄васена а̄бхатам̣, тасма̄ евамева кхоти еттха̄тиа̄дина̄ упамам̣ сам̣сандати. а̄гатесӯтиа̄дӣсу тӣсу падесу бха̄венабха̄валаккхан̣е.

5. кумбхасуттаван̣н̣ана̄

153. на патиа̄ваматӣти ча никуджджитабха̄вена удакавамано гхат̣о, на там̣ пуна мукхена ган̣ха̄ти. тена̄ха ‘‘на анто павесетӣ’’ти.

7. а̄ка̄сасуттаван̣н̣ана̄

155. тенетам̣ вуттанти тена арийамаггасса иджджханена етесам̣ саббесам̣ бодхипаккхийадхамма̄нам̣ иджджханам̣ вуттам̣.

8-9-10. пат̣хамамегхасутта̄диван̣н̣ана̄

156-158. пам̣сураджоджалланти бхӯмирен̣усахаджа̄тамалам̣. ва̄н̣иджакопамети ва̄н̣иджакопамапат̣хамасутте ча̄пи.

11-12. а̄гантукасутта̄диван̣н̣ана̄

159-160. сахавипассанасса арийамаггасса бха̄вана̄йа иджджханена етам̣ абхин̃н̃а̄парин̃н̃еййа̄дидхамма̄нам̣ абхин̃н̃а̄париджа̄нана̄дӣнам̣ иджджханам̣ вуттам̣ кхаттийа̄дӣнам̣ висайаа̄дикам̣ каронтасса катха̄йа саджджитатта̄.

балакаран̣ӣйаваггаван̣н̣ана̄ нит̣т̣хита̄.