2. дутийавагго

23-33. асан̇кхатасутта̄диван̣н̣ана̄

377-409. таттха ча наттхи еттха тан̣ха̄сан̇кха̄там̣ натам̣, наттхи етасмим̣ ва̄ адхигате пуггалабха̄воти анатам̣. ана̄саванти еттха̄пи есева найо. саччадхаммата̄йа саччам̣. ват̣т̣адуккхато па̄раметӣти па̄рам̣. сан̣хат̣т̣хена̄ти сукхумат̣т̣хена нипун̣ам̣. тато ева дуддасата̄йа. аджаджджарам̣ ниччасабха̄ватта̄. наттхи етасса нидассананти ва̄ анидассанам̣. етасмим̣ адхигате наттхи сам̣са̄ре. папан̃чанти ва̄ ниппапан̃чам̣.

етасмим̣ адхигате пуггаласса маран̣ам̣ наттхӣти ва̄ аматам̣. атаппакат̣т̣хена ва̄ пан̣ӣтам̣. сукхахетута̄йа ва̄ сивам̣. тан̣ха̄ кхӣйанти еттха̄ти тан̣хаккхайам̣.

ан̃н̃асса та̄дисасса абха̄вато вимха̄панӣйата̄йа абхӯтамева̄ти. куточи паччайато аниббаттамева хутва̄ бхӯтам̣ виджджама̄нам̣. тена̄ха ‘‘аджа̄там̣ хутва̄ аттхӣ’’ти. наттхи еттха дуккханти ниддуккхам̣, тасса бха̄во ниддуккхаттам̣. тасма̄ анӣтикам̣ ӣтирахитам̣. ва̄нам̣ вуччати тан̣ха̄, тадабха̄вена нибба̄нам̣. бйа̄баджджхам̣ вуччати дуккхам̣, тадабха̄вена абйа̄баджджхам̣. параматтхато саччато суддхибха̄вена. ка̄ма̄ ева путхуджджанехи аллӣйитаббато а̄лайа̄. еса найо сесесупи. патит̣т̣хат̣т̣хена̄ти патит̣т̣ха̄бха̄вена ват̣т̣адуккхато муччитука̄ма̄нам̣ дӣпасадисам̣ огхехи анаджджхоттхаран̣ӣйатта̄. аллӣйитаббайуттат̣т̣хена̄ти аллӣйитум̣ арахабха̄вато. та̄йанат̣т̣хена̄ти сапарата̄йанат̣т̣хена. бхайасаран̣ат̣т̣хена̄ти бхайасса хим̣санат̣т̣хена. сет̣т̣хам̣ уттамам̣. гатӣти гандхаббат̣т̣ха̄нам̣.

асан̇кхатасутта̄диван̣н̣ана̄ нит̣т̣хита̄.

асан̇кхатасам̣йуттаван̣н̣ана̄ нит̣т̣хита̄.