1. пат̣хамапеййа̄лавагго

1-2. ма̄туга̄масутта̄диван̣н̣ана̄

280-281. агун̣ан̇гехӣти агун̣акот̣т̣ха̄сехи. рӯпайатӣти рӯпам̣, сарӣрарӯпам̣. сарӣрарӯпам̣ па̄сам̣сам̣ етасса аттхӣти рӯпава̄, таппат̣иккхепена на ча рӯпава̄, сампаннарӯпо на хотӣти аттхо. н̃а̄тикулато ан̃н̃ато ва̄ а̄гата̄йа бхогасампада̄йа абха̄вена на бхогасампанно. дуссӣлоти ниссӣло. ниссӣлата̄йа ева часса̄ пуббут̣т̣ха̄йита̄диа̄ча̄ра̄бха̄во вутто. а̄ласийоти а̄ласийата̄йа йутто. паджан̃часса на лабхатӣти паджа̄бха̄васӣсена тасса̄ парива̄раха̄ни вутта̄. париваттетаббанти пурисавасена париваттетаббам̣.

ма̄туга̄масутта̄диван̣н̣ана̄ нит̣т̣хита̄.

3. а̄вен̣икадуккхасуттаван̣н̣ана̄

282. а̄вен̣итаббато марийа̄да̄йа висум̣ аса̄дха̄ран̣ато пасситаббато а̄вен̣ика̄ни. пат̣ипаччеке пуггале нийутта̄нӣти па̄т̣ипуггалика̄ни. парича̄рикабха̄ванти упат̣т̣ха̄йикабха̄вам̣.

а̄вен̣икадуккхасуттаван̣н̣ана̄ нит̣т̣хита̄.

4. тӣхидхаммехисутта̄диван̣н̣ана̄

283-303. маччхерамалапарийут̣т̣хитена̄ти маччхарийамалена абхибхӯтена. тена̄ти кассачи кин̃чи ада̄нена ча. етам̣ ‘‘маччхерамалапарийут̣т̣хитена̄’’тиа̄ди вуттам̣. вилокенто вичарати исса̄пакатачиттата̄йа. пан̃чама̄дӣни йа̄ва ека̄дасама̄ утта̄наттха̄нева.

тӣхидхаммехисутта̄диван̣н̣ана̄ нит̣т̣хита̄.