1-4. пат̣хамапуббесамбодхасутта̄диван̣н̣ана̄

13-16. двӣсупи суттесу а̄йатана̄нам̣ васена десана̄ екараса̄ва̄ти ‘‘пат̣хамадутийесӯ’’ти екаджджхам̣ падуддха̄ро като. а̄хито ахам̣ма̄но еттха̄ти атта̄, аттабха̄во. атта̄намадхи аджджхаттам̣, таппарийа̄паннатта̄ таттха бхава̄ни аджджхаттика̄ни, тесам̣ аджджхаттика̄нам̣. аджджхаттан̃ча на̄ма аджджхаттаджджхаттам̣, нийакаджджхаттам̣, гочараджджхаттам̣, висайаджджхаттанти чатуббидхам̣. таттха аджджхаттаджджхаттам̣ аджджхатте бхаванти аджджхаттиканти а̄ха ‘‘аджджхаттаджджхаттавасена аджджхаттика̄на’’нти. тесам̣ чаккха̄дӣнам̣ аджджхаттесупи аджджхаттикабха̄во адхикасинехаваттхута̄йа̄ти а̄ха ‘‘чхандара̄гасса адхиматтабалавата̄йа̄’’ти. ида̄ни таттха таматтхам̣ пат̣ийогина̄ саддхим̣ уда̄харан̣авасена дассенто ‘‘манусса̄нам̣ хӣ’’тиа̄дима̄ха. там̣ утта̄намева. ба̄хира̄нӣти аджджхаттикато бахи бхава̄ни.

пат̣хамапуббесамбодхасутта̄диван̣н̣ана̄ нит̣т̣хита̄.