2. дутийагамана̄диваггаван̣н̣ана̄

224-301. дуккхавасена вуттанти ‘‘ити кхо, бхиккхаве, дуккхе сати дуккхам̣ упа̄да̄йа̄’’тиа̄дидуккхавасена вуттам̣. та̄дисамева дутийам̣ веййа̄каран̣агаманам̣. тена̄ха ‘‘татра̄пи ат̣т̣ха̄расева веййа̄каран̣а̄нӣ’’ти. техӣти ‘‘рӯпӣ атта̄ хотӣ’’тиа̄динайапаваттехи веййа̄каран̣ехи саддхим̣. танти дутийам̣ гаманам̣.

а̄рамман̣амева̄ти касин̣асан̇кха̄там̣ а̄рамман̣амева. таккисаддена суддхатаккика̄нам̣ гахан̣ам̣ дат̣т̣хаббам̣.

аниччадуккхавасена̄ти ‘‘йаданиччам̣, там̣ дуккхам̣, тасмим̣ сати тадупа̄да̄йа евам̣ дит̣т̣хи уппаджджатӣ’’ти вуттааниччадуккхавасена̄ти. техийева̄ти дутийе пеййа̄ле вуттаппака̄рехийева. типариват̣т̣авасена̄ти техийева чхаббӣсатийа̄ суттехи чатуттхапеййа̄ле типариват̣т̣авасена вуттоти йоджана̄.

дутийагамана̄диваггаван̣н̣ана̄ нит̣т̣хита̄.

са̄раттхаппака̄синийа̄ сам̣йуттаника̄йа-ат̣т̣хакатха̄йа

дит̣т̣хисам̣йуттаван̣н̣ана̄йа лӣнаттхаппака̄сана̄ саматта̄.