11. анусайасуттаван̣н̣ана̄

200. дутийавагге аттаноти а̄йасма̄ ра̄хуло аттано савин̃н̃а̄н̣акам̣ ка̄йам̣ дассети. парасса̄ти парасса авин̃н̃а̄н̣акака̄йам̣ дассети. парасанта̄не ва̄ арӯпе дхамме аггахетва̄ рӯпака̄йамева ган̣ханто вадати. апаре ‘‘асан̃н̃асатта̄нам̣ аттабха̄вам̣ сандха̄йа татха̄ вутта’’нти ваданти. пуримена̄ти ‘‘имасмим̣ савин̃н̃а̄н̣аке ка̄йе’’ти имина̄ падена. паччхимена̄ти ‘‘бахиддха̄’’ти имина̄ падена. ете килеса̄ти ете дит̣т̣хитан̣ха̄ма̄насан̃н̃ита̄ килеса̄. етесу ваттхӯсӯти аджджхаттабахиддха̄ваттхӯсу. самма…пе… пассатӣти пуббабха̄ге випассана̄н̃а̄н̣ена саммасанавасена, маггаккхан̣е абхисамайавасена сут̣т̣ху аттапаччаккхена н̃а̄н̣ена пассати.

анусайасуттаван̣н̣ана̄ нит̣т̣хита̄.