8. кулагхаран̣ӣсуттаван̣н̣ана̄

228. ога̄хаппаттоти висса̄савасена ануппавесам̣ патто. ан̃н̃атарам̣ куланти тасмим̣ куле джа̄йампатим̣ сандха̄йа вадати. ‘‘бахӯпака̄рам̣ ме етам̣ кулам̣ чирам̣ саппа̄йа̄ха̄рада̄на̄дина̄; тасма̄ идха̄хам̣ аггадаккхин̣еййо джа̄то; имесам̣йева деййадхаммапат̣игган̣ханена пун̃н̃ам̣ вад̣д̣хесса̄мӣ’’ти чинтеси. тена̄ха ‘‘ан̃н̃аттха гантва̄ ким̣ карисса̄мӣ’’тиа̄ди. са̄ти девата̄. убхопетети там̣ бхиккхун̃ча гхаран̣ин̃ча сандха̄йа вадати. пат̣ига̄дхаппатта̄ти пат̣ига̄дхам̣ патта̄ ан̃н̃аман̃н̃асмим̣ патит̣т̣хитависса̄сена.

виссамаппаттивасена сантит̣т̣ханти еттха̄ти сан̣т̣ха̄нам̣, виссаманат̣т̣ха̄нам̣. сама̄гантва̄ти саннипатитва̄. пат̣ин̃н̃ӯда̄харан̣ехи мантайатӣти мантанам̣, н̃а̄пакам̣ ка̄ран̣ам̣. пат̣иломасадда̄ти пат̣иломабха̄вена патитатта̄ асаччавибха̄вана̄ пат̣икӯласадда̄. тена ка̄ран̣ена̄ти тена ка̄ран̣апат̣ирӯпакена миччха̄вачанена. на ман̇кухотаббам̣ ака̄ракабха̄вато. саддена паритассатӣти парехи аттани пайуттамиччха̄саддаматтена паритассанасӣло. ватам̣ на сампаджджатӣти йатха̄сама̄диннаватам̣ лахучиттата̄йа на па̄рипӯрим̣ гаччхати. сампаннаватоти парипун̣н̣асӣла̄диватагун̣о

кулагхаран̣ӣсуттаван̣н̣ана̄ нит̣т̣хита̄.