3. кассапаготтасуттаван̣н̣ана̄

223. чхетанти мига̄нам̣ джӣвитам̣ чхетам̣. тена̄ха ‘‘мигалуддака’’нти. рохитамиганти лохитаван̣н̣ам̣ кхуддакамигам̣, ‘‘маха̄рохитамига’’нти кечи. саттху сантике каммат̣т̣ха̄нам̣ гахетва̄ тасса джанападасса сулабхабхиккхата̄йа таттха гантва̄ вихаратӣти имаматтхам̣ сандха̄йа ‘‘пат̣хамасутте вуттанайенева̄’’ти вуттам̣. айам̣ пана тхеро пан̃ча̄бхин̃н̃о випассана̄каммико. т̣хатва̄ти пада̄нубандханавасена гаманам̣ упаччхиндитва̄ тхерасса а̄саннат̣т̣ха̄не т̣хатва̄. тасса вачанам̣ сотум̣ а̄раддхо. ан̇гут̣т̣хакам̣ джа̄ла̄песӣти адхит̣т̣ха̄набалена дан̣д̣адӣпикам̣ вийа аттано ан̇гут̣т̣хакам̣ джа̄ла̄песи. аккхӣхипи пассати ан̇гут̣т̣хакам̣ джа̄лама̄нам̣. кан̣н̣ехипи сун̣а̄ти тена вуччама̄нам̣ дхаммам̣ екадесена. читтам̣ панасса дха̄ватӣти самбандхо. етассапӣти луддакассапи.

аппапан̃н̃анти еттха аппа-саддо ‘‘аппахарите’’тиа̄дӣсу вийа абха̄ваттхоти а̄ха ‘‘ниппан̃н̃а’’нти. ка̄ран̣аджа̄нанасаматтхена̄ти имина̄ ка̄ран̣ена сатта̄нам̣ сукхам̣, имина̄ дуккханти евам̣ сама̄чарама̄нена ка̄ран̣ам̣ джа̄нитум̣ саматтхена каммассакатан̃а̄н̣асампайуттачиттена̄ти аттхо. сун̣а̄тӣти кевалам̣ саванаматтавасена сун̣а̄ти, на тадаттхавасена. тена̄ха ‘‘аттхамасса на джа̄на̄тӣ’’ти. ка̄ран̣арӯпа̄нӣти сабха̄вака̄ран̣а̄ни. ким̣ ме имина̄ти? ‘‘идам̣ папан̃ча’’нти паха̄йа. вӣрийам̣ паггайха̄ти чатуббидхам̣ саммаппадха̄нам̣ вӣрийам̣ пагган̣хитва̄.

кассапаготтасуттаван̣н̣ана̄ нит̣т̣хита̄.