1. вивекасуттаван̣н̣ана̄

221. сам̣веджетука̄ма̄ти аттхато сам̣вегам̣ уппа̄детука̄ма̄. татха̄бхӯта̄ нам̣ килесасан̇ган̣ика̄дито вивечетука̄ма̄ на̄ма хотӣти вуттам̣ ‘‘вивекам̣ пат̣ипаджджа̄петука̄ма̄’’ти. ба̄хиресӯти гочараджджхаттато бахибхӯтесу. путхутта̄рамман̣есӯти рӯпа̄дина̄на̄рамман̣есу. чаратӣти паваттати. твам̣ джаноти твам̣ аттано килесехи джананато висум̣ джа̄то та̄дисе ева ан̃н̃асмим̣ джане имам̣ айонисоманасика̄равасена паваттама̄нам̣ чхандара̄гам̣ винайассу винодехи. сатам̣ там̣ са̄райа̄масети ниййа̄никаса̄сане паббаджитва̄ саттху сантике каммат̣т̣ха̄нам̣ гахетва̄ аран̃н̃ава̄сена ча сатимантам̣ пан̣д̣итам̣ там̣ майампи йатха̄уппаннам̣ витаккам̣ винодана̄йа са̄райа̄ма, сатам̣ ва̄ саппуриса̄нам̣ килесавигаманадхаммам̣ пат̣ипаджджитва̄ васантам̣ там̣ са̄райа̄ма ват̣т̣адуккхам̣. па̄та̄ланти мохапа̄та̄лам̣ килесараджо, тадева ‘‘па̄та̄ла’’нти вуттам̣. ма̄ авахарӣти хет̣т̣ха̄ дуггатисотам̣ ма̄ упанеси. ситанти самбандхам̣. тена̄ха ‘‘сарӣралагга’’нти. вивекама̄панноти килесавивекам̣ саматхавипассана̄бха̄ванама̄панно. уттамавӣрийанти уссол̣хилаккхан̣аппаттам̣ вӣрийам̣, чатуббидхам̣ самаппадха̄навӣрийам̣ ва̄ сампаттам̣. паггайха̄ти а̄ропетва̄. парамавивеканти парамам̣ самуччхедавивекам̣.

вивекасуттаван̣н̣ана̄ нит̣т̣хита̄.