114. сан̇гхабхеде ана̄паттивассаччхедакатха̄
202. бхинноти еттха тапаччайасса атӣтаттхе айуттабха̄вам̣ дассенто а̄ха ‘‘бхинне сан̇гхе каран̣ӣйам̣ наттхӣ’’ти. йо пана̄ти сан̇гхо пана. идам̣ ‘‘бхиджджиссатӣ’’типаде катта̄, ‘‘а̄сан̇кито’’типаде каммам̣. ‘‘бхиджджиссатӣ’’ти имина̄ бхинноти еттха тапаччайасса ана̄гататтхе паваттабха̄вам̣ дассети. бхиккхунӣхи сан̇гхо бхинноти еттха ким̣ бхиккхунӣхи сан̇гхо бхинноти дат̣т̣хабботи а̄ха ‘‘на бхиккхунӣхи сан̇гхо бхинноти дат̣т̣хаббо’’ти. етанти бхиккхунӣхи абхиннабха̄вам̣. ета̄ пана̄ти бхиккхунийо пана. танти сан̇гхам̣. етанти ‘‘самбахула̄хи бхиккхунӣхи сан̇гхо бхинно’’ти вачанам̣.