11. бхаддаваггийакатха̄

36. бхаддам̣ рӯпан̃ча читтан̃ча етесаматтхӣти бхаддака̄. ваггабандханам̣ вагго уттарападалопена, ваггена чарантӣти ваггийа̄. бхаддака̄ ча те ваггийа̄ ча̄ти бхаддаваггийа̄ кака̄ралопена̄ти аттхам̣ дассенто а̄ха ‘‘бхаддаваггийа̄’’тиа̄ди. ‘‘вока̄ро нипа̄таматто’’ти имина̄ тумхасаддасса ча йовачанасса ча ка̄рийабха̄вам̣ ниваттети. хӣти саччам̣. тети бхаддаваггийа̄. иданти пан̃часӣлараккханам̣. пуббакамманти пуббе упачитам̣ кусалакаммам̣.