55. анупаджджха̄йака̄диваттхукатха̄

117. тена кхо пана самайена̄ти еттха тасаддасса анийаманиддесабха̄вам̣ дассенто а̄ха ‘‘йена самайена̄’’ти. сиккха̄падам̣ апан̃н̃аттам̣ хотӣти ‘‘на бхиккхаве анупаджджха̄йако упасампа̄детаббо’’ти сиккха̄падам̣ апан̃н̃аттам̣ хоти. ‘‘упаджджха̄йавирахита’’нти имина̄ анупаджджха̄йаканти еттха ака̄расса вирахаттхам̣ дассети. упаджджха̄йавирахитам̣ упасампада̄пеккханти самбандхо. ‘‘ева’’нтиа̄дина̄ досам̣ дассети. упаджджхам̣ ага̄ха̄петва̄ти ‘‘упаджджха̄йо ме бханте хохӣ’’ти (маха̄ва. 65; маха̄ва. ат̣т̣ха. 64) упаджджхам̣ ага̄ха̄петва̄. упасампа̄дентасса ка̄ракасан̇гхасса̄ти йоджана̄. каммам̣ пана̄ти упасампадакаммам̣ пана. ‘‘есева найо’’ти имина̄ упасампа̄дентасса а̄патти, каммам̣ пана на куппатӣти вачанам̣ атидисати.