47. пан̣д̣акаваттхукатха̄

109. дахаратарун̣асадда̄нам̣ вевачанатта̄ вуттам̣ ‘‘дахаре…пе… тарун̣е’’ти. мол̣игалласаддо тхӯласарӣрава̄чако аниппханнапа̄т̣ипадикоти а̄ха ‘‘мол̣игаллети тхӯласарӣре’’ти. хаттхибхан̣д̣ети еттха хаттхисан̇кха̄там̣ бхан̣д̣ам̣ етесанти хаттхибхан̣д̣а̄ти вутте хаттхигопака̄ти а̄ха ‘‘хаттхигопаке’’ти. абхидха̄не (абхидха̄наппадӣпика̄йам̣ 367 га̄тха̄йам̣) пана ‘‘хаттхимен̣д̣о’’ти па̄т̣хо аттхи.

пан̣д̣акоти пад̣ати викалабха̄вам̣ гаччхатӣти пан̣д̣ако. сам̣кхепена вуттаматтхам̣ виттха̄рена дассенто а̄ха ‘‘таттха̄’’тиа̄ди. таттха йасса̄ти пан̣д̣акасса. асучина̄ти самбхавена. а̄ситтасса̄ти а̄син̃читаббасса. имина̄ асучина̄ мукхе а̄син̃читабботи а̄ситтоти вачанаттхам̣ дассети. айанти пан̣д̣ако. аджджха̄ча̄ранти метхунаджджха̄ча̄рам̣. ‘‘усӯйа̄йа уппанна̄йа̄’’тиимина̄ усӯйатӣти усӯйоти вачанаттхам̣ дассети. упаккамена̄ти ва̄йа̄мена. бӣджа̄нӣти ан̣д̣а̄ни. имина̄ упаккамена етасма̄ бӣджа̄ни апанӣта̄нӣти опаккамикоти вачанаттхам̣ дассети. паккхе паватто пан̣д̣ако паккхапан̣д̣ако, паккхе парил̣а̄хавӯпасамо пан̣д̣ако паккхапан̣д̣акоти вачанаттхам̣ дассенто а̄ха ‘‘екаччо пана̄’’тиа̄ди. таттха пуббавачанаттхе паккхети ка̄лапаккхети аттхо дат̣т̣хаббо. паччхимавачанаттхе паккхети джун̣хапаккхети аттхо дат̣т̣хаббо. ‘‘акусалавипа̄ка̄нубха̄вена̄’’ти падам̣ ‘‘пан̣д̣ако хотӣ’’типадейева самбандхитаббам̣. асса̄ти пан̣д̣акасса. напум̣сакапан̣д̣акоти пурисо вийа са̄тисайам̣ пачча̄митте на пум̣сакети абхимадданам̣ ка̄тум̣ на саккотӣти напум̣сако. на пума̄ на иттхӣти напум̣сакоти катва̄ напуманаиттхисаддасса нируттинайена напум̣сакакаран̣ампи ваданти. напум̣сакойева пан̣д̣ако напум̣сакапан̣д̣ако. тесӯти пан̃часу пан̣д̣акесу. тесупӣти опаккамика̄дӣсу тӣсупи. ‘‘йасмим̣ паккхе’’ти имина̄ паккхе паккхе пан̣д̣акабха̄вам̣ ниваттети. асса̄ти пан̣д̣акасса. еттха̄ти пан̃часу пан̣д̣акесу. сопӣти пан̣д̣акопи. итоти пан̣д̣акава̄рато. ‘‘есева найо’’ти имина̄ лин̇гана̄санамева атидисати.