24. упасампа̄детаббачхаккакатха̄
85. танти ӯнадасавассападам̣. саббаттха̄ти саббесу чхаккесу. таттха̄ти чхаккесу. ‘‘па̄тимоккха̄ни виттха̄рена̄’’ти вуттатта̄ вибхан̇гавасена гахетабба̄нӣти а̄ха ‘‘убхатовибхан̇гавасена вутта̄нӣ’’ти. ма̄тика̄вибхан̇гавасена сут̣т̣ху вибхаджитабба̄нӣти сувибхатта̄ни, ва̄чуггатавасена сундара̄ паватти етесанти суппаваттӣни, суттато анубйан̃джанато сут̣т̣ху виниччхитабба̄нӣти сувиниччхитабба̄нӣти аттхам̣ дассенто а̄ха ‘‘ма̄тика̄вибхан̇гавасена̄’’тиа̄ди.