18. а̄чарийаваттакатха̄

75. кинта̄йанти еттха ека̄ралопавасена сандхи хотӣти а̄ха ‘‘ким̣те айа’’нти. ‘‘овадитабботи’’имина̄ овадийоти еттха н̣йапаччайасса камматтхам̣ дассети. ‘‘тадаттха̄йа̄’’ти имина̄ ‘‘йадидам̣ ган̣абандхика’’нти уттарава̄кйе йам̣саддам̣ дисва̄ пуббава̄кйе там̣саддам̣ н̃а̄пети, тасса ба̄хулласса аттха̄йа̄ти аттхо.

76. соти пасӯро парибба̄джако. тена̄ти уда̄йиттхерена. сахадхаммиканти саха дхаммена ка̄ран̣ена. бйатто та̄ва пуббе вутталаккхан̣о хоту, пат̣ибало пана катхам̣ н̃а̄табботи а̄ха ‘‘йо пана̄’’тиа̄ди. йо пана саккотӣти самбандхо. ча̄ти саччам̣. етанти пат̣ибалаттам̣, ‘‘пан̃чахи…пе… винету’’нтивачанам̣ ва̄.

77. титтхийапаккхасан̇кантесӯти титтхийасан̇кха̄там̣ са̄санасса пат̣ипаккхам̣ сан̇камантесу. а̄ча̄расама̄ча̄расиккха̄панаканти ативийа чаритаббам̣ а̄бхисама̄ча̄рикасӣлам̣ сиккха̄панакам̣. имина̄ а̄ча̄рам̣ сиккха̄петӣти а̄чарийоти вачанаттхам̣ дассети. на̄маматтамева̄ти ‘‘а̄чарийо’’ти ва̄ ‘‘антева̄сико’’ти ва̄ на̄маматтамева. на̄нанти упаджджха̄йато ва̄ саддхивиха̄рикато ва̄ на̄нам̣.