9. навамасиккха̄падам̣

1015. наваме сиппасаддо паччекам̣ йоджетаббо ‘‘хаттхисиппан̃ча ассасиппан̃ча ратхасиппан̃ча дханусиппан̃ча тхарусиппан̃ча̄’’ти. таттха тхарусиппанти асикӣл̣анасиппам̣. мантасаддопи паччекам̣ йоджетаббо ‘‘а̄тхаббан̣аманто ча кхӣланаманто ча васӣкаран̣аманто ча соса̄панаманто ча̄’’ти. таттха а̄тхаббан̣амантоти а̄тхаббан̣аведена вихито парӯпагха̄такаро манто. кхӣланамантоти са̄рада̄рукхӣлам̣ мантена джаппитва̄ патхавийам̣ никхан̣итва̄ дха̄ран̣аманто. васӣкаран̣амантоти мантена джаппитва̄ парасса умматтабха̄вама̄паннакаран̣о манто. соса̄панамантоти парасса мам̣салохита̄дисоса̄панаманто. агадапайоготи бхусависасса пайоджанам̣. а̄дисаддена ан̃н̃епи парӯпагха̄такаран̣е сиппе сан̇ган̣ха̄ти. йаккхапариттанти йаккхехи самантато та̄н̣ам̣. на̄гаман̣д̣аланти саппа̄нам̣ павесананива̄ран̣аттхам̣ ман̣д̣алабандхаманто. а̄дисаддена висапат̣ихананаманта̄дайо сан̇ган̣ха̄тӣти. навамам̣.