4. чатуттхасиккха̄падам̣

898. чатуттхе пан̃ча̄ханти сама̄ха̄радигу, н̣икапаччайо сваттхо. сан̇гха̄т̣ича̄ротиеттха кенат̣т̣хена сан̇гха̄т̣и на̄ма, ча̄расаддо киматтхоти а̄ха ‘‘парибхогавасена ва̄’’тиа̄ди. таттха сан̇гхат̣итат̣т̣хена̄ти сам̣харитат̣т̣хена. имина̄ ‘‘кенат̣т̣хена сан̇гха̄т̣и на̄ма̄’’ти пуччхам̣ висаджджети. ‘‘париваттана’’нти имина̄ ‘‘ча̄расаддо киматтхо’’ти чоданам̣ парихарати. пан̃часӯти тичӣварам̣ удакаса̄т̣ика̄ сам̣каччика̄ти пан̃часӯти. чатуттхам̣.