6. чхат̣т̣ханиссаггийапа̄читтийасиккха̄падам̣

758. чхат̣т̣хе чхандам̣ уппа̄детва̄ гахитам̣ чхандаканти вачанаттхам̣ дассенто а̄ха ‘‘чхандака’’нтиа̄ди. дхаммакиччанти пун̃н̃акаран̣ӣйам̣. дхаммасаддо хеттха пун̃н̃ава̄чако. йанти ваттхум̣. паресанти аттана̄ ан̃н̃есам̣. ‘‘ета’’нти ‘‘чхандака’’нти етам̣ на̄мам̣. ‘‘ан̃н̃ассаттха̄йа диннена̄’’тиимина̄ ан̃н̃асса аттхо ан̃н̃адаттхо, дака̄ро падасандхикаро, тадаттха̄йа динно ан̃н̃адаттхикоти вачанаттхам̣ дассети. ‘‘ан̃н̃ам̣ уддиситва̄ диннена̄’’тиимина̄ ан̃н̃ам̣ уддиситва̄ диннам̣ ан̃н̃уддисиканти вачанаттхам̣ дассети. ‘‘сан̇гхасса париччаттена̄’’ти имина̄ сан̇гхасса париччатто сан̇гхикоти вачанаттхам̣ дассети.

762. йадаттха̄йа̄ти йесам̣ чӣвара̄дӣнам̣ аттха̄йа. йасаддена сама̄сабха̄вато пуббе ниггахита̄гамо хоти. танти чӣвара̄дикам̣. тумхехӣти да̄йаке сандха̄йа вуттам̣. упаддавесӯти дуббхиккха̄диупасаггесу. йам̣ ва̄ там̣ ва̄ти чӣварам̣ ва̄ ан̃н̃е ва̄ пин̣д̣апа̄та̄дикети йам̣ ва̄ там̣ ва̄ти. чхат̣т̣хам̣.