10. саппа̄н̣акасиккха̄падам̣

140. дасаме ‘‘джа̄на’’нти гаччханта̄диган̣оти а̄ха ‘‘джа̄нанто’’ти. сам̣ виджджати па̄н̣о еттха̄ти сапа̄н̣акам̣. етанти удакам̣. сайам̣ джа̄нантопи парена джа̄на̄пентопи джа̄на̄тийева на̄ма̄ти а̄ха ‘‘йатха̄ татха̄ ва̄’’ти. сапа̄н̣акам̣ удаканти каран̣аттхе четам̣ упайогавачанам̣, тена̄ха ‘‘тена удакена̄’’ти. пуббети патхавикхан̣анасиккха̄пада̄дике.

таттха̄ти ‘‘син̃чеййа ва̄ син̃ча̄пеййа ва̄’’типаде. дха̄ранти сотам̣. ма̄тикам̣ памукханти ма̄тикам̣ абхимукхам̣. таттха таттха̄ти тасмим̣ тасмим̣ т̣ха̄не. ан̃н̃ато т̣ха̄нато ан̃н̃ам̣ т̣ха̄нам̣ нетӣти йоджана̄. ‘‘сапа̄н̣акам̣ удака’’нти са̄ман̃н̃авачанассапи висесе ават̣т̣ха̄нато, висесаттхина̄ ча висесасса анупайоджитаббато идха висесаудаканти сандха̄йабха̄ситаттхам̣ дассенто а̄ха ‘‘идам̣ пана̄’’тиа̄ди. идам̣ пана на вуттанти самбандхо. йанти удакам̣ ‘‘гаччхатӣ’’типаде катта̄. йаттха̄ти йасмим̣ удакети. дасамам̣.

бхӯтага̄мавагго дутийо.