26. сама̄на̄саниканиддесаван̣н̣ана̄

195. тивассантарамекама̄санам̣ бхиккхӯнам̣ анун̃н̃а̄танти самбандхо. таттха екасмим̣ а̄сане ман̃ча̄дике двиннам̣ а̄санам̣ нисӣданам̣ екама̄санам̣. ма-ка̄ро сандхиджо. кӣдисанти а̄ха ‘‘тивассантара’’нти. тин̣н̣ам̣ васса̄намантараметасса̄ти тивассантаро, двӣхи вассехи махантатаро ва̄ дахаратаро ва̄ бхиккху, со асса аттхӣти тивассантарам̣, тивассантаравантанти аттхо. йо пана екена вассена махантатаро ва̄ дахаратаро ва̄ екавассойева ва̄, таббантата̄йа ваттаббамева наттхи. атха ва̄ тивассантаранти каран̣аттхе упайогавачанам̣, тивассантарена саддхинти аттхо. тамева саматтхети ‘‘саттавассе’’чча̄дина̄.

196. муни анун̃н̃а̄сӣти самбандхо. саббехева̄ти сама̄на̄саникаасама̄на̄саникехи саббехева саддхим̣.

197. дӣгха̄санам̣ дассети ‘‘анта’’нтиа̄дина̄. йам̣ тин̣н̣ам̣ нисӣдитум̣ пахоти, там̣ антам̣ дӣгха̄сананти самбандхо. антанти паччхимам̣. адӣгха̄сане пана сама̄на̄саника̄ нисӣдитум̣ лаббхантӣти дассенто ‘‘ман̃чаке’’тиа̄дима̄ха. саббаттха айатха̄каран̣ато дуккат̣анти.

сама̄на̄саниканиддесаван̣н̣ана̄ нит̣т̣хита̄.