17. а̄пуччхакаран̣аниддесаван̣н̣ана̄

161. тхерена̄ти сан̇гхаттхерена.

162. таттха таттха саннипатита̄нам̣ саббесам̣ вуд̣д̣хо вуд̣д̣хатаро, тасмим̣ вуд̣д̣хатара̄гаме пуна а̄пуччханам̣ наттхи. бхаттагге ча̄нумодатоти еттха да̄напатина̄ йа̄читена дахарена вуд̣д̣хена ана̄пуччхитва̄ катхетум̣ ват̣т̣атӣти ваданти.

163. екавиха̄ракети ековараке вуд̣д̣хена васанто ана̄пуччха̄ на саджджха̄йеййа̄ти аттхо. уддесам̣ парипуччхан̃ча но дадети уддесам̣ ва̄ парипуччхам̣ ва̄ но дадеййа.

164. на вивареййа на тхакеййа ча̄ти самбандхо. два̄рам̣ на̄ма маха̄вал̣ан̃джам̣, таттха а̄пуччханакиччам̣ наттхи.

165. вуд̣д̣хена чан̇каме чан̇камантопи йена вуд̣д̣хо, тена париваттайети самбандхо. а̄пуччхакаран̣авиниччхайо.

а̄пуччхакаран̣аниддесаван̣н̣ана̄ нит̣т̣хита̄.