30. ваттаниддесо

ваттанти –

213. а̄гантуко на а̄ра̄мам̣, пависе саупа̄хано;

сачхаттогун̣т̣хито сӣсе, каритва̄ ва̄пи чӣварам̣.

214. па̄нӣйена на дховеййа, па̄де вуд̣д̣хатарепи ча;

а̄ва̄сикебхива̄деййа, пуччхеййа сайана̄санам̣.

215. гамико пат̣иса̄метва̄, да̄руматтикабхан̣д̣акам̣;

виха̄ран̃ча тхакетва̄на, а̄пуччха сайана̄санам̣.

216. а̄пуччхитаббе асати, сам̣гопетва̄на са̄дхукам̣;

паккамеййан̃н̃атха̄ тасса, паккантум̣ на ча каппати.

217. а̄ва̄сико пан̃н̃а̄пеййа, вуд̣д̣ха̄гантусса а̄санам̣;

упаниккхипе па̄дода-ппабхутим̣ паттачӣварам̣.

218. паччуггантва̄на ган̣хеййа, па̄нӣйена ча пуччхайе;

а̄гантукебхива̄деййа, пан̃н̃апе сайана̄санам̣.

219. аджджха̄вуттхамавуттхам̣ ва̄, гочара̄гочарам̣ ваде;

ваччапасса̄ват̣ха̄на̄ни, катикам̣ секкхасаммутим̣.

220. павесаниккхаме ка̄лам̣, парибходжийапа̄нийам̣;

нисиннова навакасса, етам̣ саббам̣ самуддисети.