8. бхӯта̄рочанасиккха̄падаван̣н̣ана̄

ат̣т̣хаме уттаримануссадхамманти чатуттхапа̄ра̄джике вутталаккхан̣ам̣ уттариманусса̄нам̣ джха̄йӣнан̃чева арийа̄нан̃ча дхаммам̣. бхӯтасмим̣ па̄читтийанти аттани джха̄на̄дидхамме сати там̣ бхиккхун̃ча бхиккхунин̃ча т̣хапетва̄ ан̃н̃асса а̄рочайато па̄читтийам̣.

веса̄лийам̣ ваггумуда̄тӣрийе бхиккхӯ а̄раббха тесам̣ бхӯта̄рочанаваттхусмим̣ пан̃н̃аттам̣, са̄дха̄ран̣апан̃н̃атти, ана̄н̣аттикам̣, ниппарийа̄йена аттани виджджама̄нам̣ джха̄на̄дидхаммам̣ а̄рочентасса саче йасса а̄рочети, со анантарамева ‘‘айам̣ джха̄нала̄бхӣ’’ти ва̄ ‘‘арийо’’ти ва̄ йена кеначи а̄ка̄рена таматтхам̣ джа̄на̄ти, па̄читтийам̣. но че джа̄на̄ти, дуккат̣ам̣. парийа̄йена а̄рочитам̣ пана джа̄на̄ту ва̄, ма̄ ва̄, дуккат̣амева. татха̄рӯпе ка̄ран̣е сати упасампаннасса а̄рочайато, а̄дикаммикасса ча ана̄патти. йасма̄ пана арийа̄нам̣ умматтака̄дибха̄во наттхи, джха̄нала̄бхино пана тасмим̣ сати джха̄на̄ париха̄йанти, тасма̄ те идха на гахита̄. уттаримануссадхаммасса бхӯтата̄, анупасампаннасса а̄рочанам̣, тан̇кхан̣авиджа̄нана̄, анан̃н̃а̄падесоти има̄неттха чатта̄ри ан̇га̄ни. бхӯта̄рочанасамут̣т̣ха̄нам̣, кирийам̣, носан̃н̃а̄вимоккхам̣, ачиттакам̣, пан̣н̣аттиваджджам̣, ка̄йакаммам̣, вачӣкаммам̣, кусала̄бйа̄катачиттехи двичиттам̣, сукхамаджджхаттаведана̄хи двиведананти.

бхӯта̄рочанасиккха̄падаван̣н̣ана̄ нит̣т̣хита̄.