кан̇кха̄витаран̣ӣ-ат̣т̣хакатха̄

буддхам̣ дхамман̃ча сан̇гхан̃ча, виппасаннена четаса̄;

вандитва̄ вандана̄ма̄на, пӯджа̄сакка̄рабха̄джанам̣.

тхеравам̣саппадӣпа̄нам̣, тхира̄нам̣ винайаккаме;

пубба̄чарийасӣха̄нам̣, намо катва̄ катан̃джалӣ.

па̄моккхам̣ анаваджджа̄нам̣, дхамма̄нам̣ йам̣ махесина̄;

мукхам̣ моккхаппавеса̄йа, па̄тимоккхам̣ пака̄ситам̣.

сӯратена нива̄тена, сучисаллекхавуттина̄;

винайа̄ча̄райуттена, сон̣аттхерена йа̄чито.

таттха сан̃джа̄такан̇кха̄нам̣, бхиккхӯнам̣ тасса ван̣н̣анам̣;

кан̇кха̄витаран̣аттха̄йа, парипун̣н̣авиниччхайам̣.

маха̄виха̄рава̄сӣнам̣, ва̄чана̄магганисситам̣;

ваттайисса̄ми на̄мена, кан̇кха̄витаран̣им̣ субханти.