5. чӣварасан̇каманӣйасиккха̄падаван̣н̣ана̄

пан̃чаме чӣварасан̇каманӣйанти сан̇каметаббам̣ чӣварам̣, ан̃н̃исса̄ сантакам̣ ана̄пуччха̄ гахитам̣ пуна пат̣ида̄таббам̣ пан̃чаннам̣ ан̃н̃атарам̣ чӣваранти аттхо. дха̄реййа̄ти саче там̣ нива̄сети ва̄ па̄рупати ва̄ па̄читтийам̣.

са̄ваттхийам̣ ан̃н̃атарам̣ бхиккхуним̣ а̄раббха бхиккхунийа̄ чӣварам̣ а̄да̄йа ана̄пуччха̄ па̄рупанаваттхусмим̣ пан̃н̃аттам̣, тикапа̄читтийам̣, анупасампанна̄йа тикадуккат̣ам̣. йа̄ пана та̄йа ва̄ диннам̣, там̣ ва̄ а̄пуччха̄, аччхиннанат̣т̣хачӣварика̄ ва̄ хутва̄, ‘‘идам̣ ме чӣварам̣ махаггхам̣ ӣдисе чорабхайе на сакка̄ дха̄рету’’нти еварӯпа̄су а̄пада̄су ва̄ дха̄рети, тасса̄, умматтика̄дӣнан̃ча ана̄патти. чӣварасан̇каманӣйата̄, упасампанна̄йа сантаката̄, анун̃н̃а̄така̄ран̣а̄бха̄во, дха̄ран̣анти има̄неттха чатта̄ри ан̇га̄ни. самут̣т̣ха̄на̄дӣни пат̣хамакатхинасадиса̄ни, идам̣ пана кирийа̄кирийанти.

чӣварасан̇каманӣйасиккха̄падаван̣н̣ана̄ нит̣т̣хита̄.