10. катхинуддха̄расиккха̄падаван̣н̣ана̄

дасаме дхаммикам̣ катхинуддха̄ранти сабба̄сам̣ бхиккхунӣнам̣ ака̄лачӣварам̣ да̄тука̄мена упа̄сакена йаттако аттха̄рамӯлико а̄нисам̣со, тато адхикам̣ ва̄ самакам̣ ва̄ датва̄ йа̄читена самаггена бхиккхунисан̇гхена йам̣ катхинам̣ н̃аттидутийакаммена антара̄ уддхарӣйати, тасса со уддха̄ро ‘дхаммико’ти вуччати, еварӯпам̣ катхинуддха̄ранти аттхо. пат̣иба̄хеййа̄ти нива̄реййа, тасса еварӯпам̣ катхинуддха̄рам̣ нива̄рентийа̄ па̄читтийам̣.

са̄ваттхийам̣ тхулланандам̣ а̄раббха катхинуддха̄рам̣ пат̣иба̄ханаваттхусмим̣ пан̃н̃аттам̣, сесам̣ саттаме вуттанайенева ведитаббанти.

катхинуддха̄расиккха̄падаван̣н̣ана̄ нит̣т̣хита̄.

наггавагго татийо.