6. упатит̣т̣ханасиккха̄падаван̣н̣ана̄

чхат̣т̣хе бхун̃джантасса̄ти пан̃чаннам̣ бходжана̄нам̣ ан̃н̃атарам̣ бхун̃джато. па̄нӣйена̄ти суддхена ва̄ удакена, такка̄дӣсу ва̄ ан̃н̃атарена. видхӯпанена̄ти йа̄йа ка̄йачи бӣджанийа̄. упатит̣т̣хеййа̄ти йа̄ етесу двӣсу ан̃н̃атарам̣ гахетва̄ хаттхапа̄се тит̣т̣хати, тасса̄ па̄читтийам̣.

са̄ваттхийам̣ ан̃н̃атарам̣ бхиккхуним̣ а̄раббха бхун̃джантасса евам̣ тит̣т̣ханаваттхусмим̣ пан̃н̃аттам̣, тикапа̄читтийам̣, хаттхапа̄сам̣ виджахитва̄ кха̄данӣйам̣ кха̄дантасса упатит̣т̣хантийа̄ дуккат̣ам̣, анупасампанне тикадуккат̣ам̣. ‘‘имам̣ пиватха, имина̄ бӣджатха̄’’ти евам̣ дентийа̄ ва̄, да̄пентийа̄ ва̄, анупасампаннам̣ ва̄ упатит̣т̣ха̄панаттхам̣ а̄н̣а̄пентийа̄, умматтика̄дӣнан̃ча ана̄патти. бхун̃джантасса бхиккхуно хаттхапа̄се т̣ха̄нам̣, па̄нӣйасса ва̄ видхӯпанасса ва̄ гахан̣анти има̄неттха две ан̇га̄ни. самут̣т̣ха̄на̄дӣни ел̣акаломасадиса̄нӣти.

упатит̣т̣ханасиккха̄падаван̣н̣ана̄ нит̣т̣хита̄.